Այսօր: Երկուշաբթի, 24 Հուլիսի 2017թ.
Շատինի համայնքապետարանի պաշտոնական կայք
ՇԱՏԻՆ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
23.07.17 ՎԱՐԴԱՎԱՌԸ ՇԱՏԻՆ ՀԱՄԱՅՆՔՈՒՄ

Հուլիսի 23 Վարդավառ Շատին համայնքում:

Լուսանկարները` Սյուզի Սարգսյանի:

14.07.17 ՀԱՆԴԻՊՈՒՄ <<ՈՐԴԵԳՐԻՐ ՄԻ ԳՅՈՒՂ>> ԾՐԱԳՐԻ ՇՐՋԱՆԱԿՆԵՐՈՒՄ

<<Որդեգրիր մի գյուղ>> ծրագրի շրջանակներում Շատին համայնք էին այցելել ավստրալահայ համայնքի ներկայացուցիչներ: Հանդիպման ընթացքում քննարկվեցին մի շարք հարցեր, կապված համայնքի ուժեղ և թույլ կողմերի հետ, քննարկվեցին համայնքի կողմից ներկայացված՝ համայնքի զարգացմանն ուղղված ծրագրերը, ինչպես նաև հնարավոր համագործակցության ուղիները:

02.06.17 ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՕՐԸ ՇԱՏԻՆ ՀԱՄԱՅՆՔՈՒՄ

Հունիսի 1-ին՝ Երեխաների պաշտպանության օրվան նվիրված, Շատինի համայնքապետարանի և "ՍԻԼ ինշուրանս՛՛ ապահովագրական ընկերության աջակցությամբ համայնքի միջնակարգ դպրոցի 2-րդ և 3-րդ դասարանի երեխաների համար կազմակերպվեց էքսկուրսիա՝ դեպի Խոր Վիրապ և Երևան տոնավաճառ՝ մասնակցելու երեխաների համար կազմակերպված միջոցառմանը:

Շնորհակալություն "ՍԻԼ ինշուրանս՛՛ ապահովագրական ընկերությանը համագործակցության համար:

01.06.17 <<ՈՍԿԵ ՏՈՒՆ>> ՀՅՈՒՐԱՏՈՒՆ ՇԱՏԻՆ ՀԱՄԱՅՆՔՈՒՄ

Շատին համայնքում կառուցվել է ևս մեկ հյուրատուն (B&B): <<Ոսկե տուն>> հյուրատունը կառուցված է առանձին՝ ունի 2 ննջասենյակ, հյուրասենյակ, սանհանգույց, խոհանոց, որոնք կահավորված են ժամանակակից չափանիշներին համապատասխան:

Հյուրատան հարակից տարածքը պտղատու ծառերով այգի է:

Հյուրատունը հարմար է ընկերներով, ընտանիքով և առհասարակ գյուղական հանգիստ միջավայրում հանստանալ ցանկացողների համար:

Մանրամասների համար կարող եք զանգահարել 094711007 հեռախոսահամարով:

29.05.17 ՇԱԲԱԹՕՐՅԱԿ ՇԱՏԻՆ ՀԱՄԱՅՆՔՈՒՄ

<<Մաքուր Հայաստան>> ծրագրի շրջանակներում սկսված աղբահանության աշխատանքները Վայոց ձոր մարզի Շատին համայնքում եզրափակվեցին այսօր՝ համապետական շաբաթօրյակով, որին մասնակցում էին համայնքի բնակիչներ, դպրոցականներ, ուսուցիչներ, համայնքապետարանի աշխատակիցներ: Աշխատանքների արդյունավետ կազմակերպման համար ներգրավված էր նաև մասնագիտացված տեխնիկա: Կատարված աշխատանքների արդյունքում Շատին համայնքում փակվեցին բոլոր աղբավայրերը, կատարվեց շրջակա միջավայրի աղբից մաքրում և աղբամանների թվի ավելացում: 
Շատինի համայնքապետարանը շնորհակալություն է հայտնում բոլոր ներգրվված անձանց և կոչ անում պահպանել մաքրություն:

26.05.17 ՇԱՏԻՆԻ ՄԻՋՆԱԿԱՐԳ ԴՊՐՈՑՈՒՄ ՀՆՉԵՑ ԱՎԱՐՏԱԿԱՆ ՎԵՐՋԻՆ ԶԱՆԳԸ
Ինչպես Հայաստանի Հանրապետության բոլոր դպրոցներում՝ Շատին համայնքի միջնակարգ դպրոցում ևս հնչեց ավարտական վերջին զանգը, հրաժեշտ տալով թվով 23 շրջանավարտների: Շնորհավորական խոսքով հանդես եկան Շատինի միջնակարգ դպրոցի տնօրեն Բ.Մարգարյանը, համայնքի ղեկավար Տ.Խուդոյանը, համայնքի բնակիչ Ա.Սմբատյանը: Համայնքի ղեկավարը շնորհավորելով շրջանավարտներին իր խոսքում նշեց, որ համայնքապետարանը միշտ պատրաստ է աջակցել շրջանավարտներին և միշտ կանգնած է նրանց կողքին, իսկ բարձրագույն ուսումնական որևէ հաստատություն անվճար ընդունվող ուսանողը համայնքապետարանի կողմից կստանա աջակցություն, ավարտելով իր խոսքը համայնքի ղեկավարը կարևորեց՝ շրջանավարտների հետագայում համայնք վերադառնալը և իրենց գիտելիքները համայնքի զարգացման ... Մանրամասն
24.05.17 ԱՌԱՋԻՆ ՀԱՆՐԱՊԵՏՈՒԹՅԱՆ ՀՌՉԱԿՄԱՆ ՕՐՎԱՆ ՆՎԻՐՎԱԾ ՇԱԽՄԱՏԻ ՄՐՑՈՒՅԹ ՇԱՏԻՆ ՀԱՄԱՅՆՔՈՒՄ

Սույն թվականի մայիսի 15-ին  և 19-ին  Շատինի համայնքապետարանի կողմից Շատինի միջնակարգ դպրոցում կազմակերպվեց շախմատի մրցույթ, բաղկացած 2 փուլից՝ նվիրված Հայաստանի Առաջին Հանրապետության հռչակման օրվան:

Մրցույթին մասնակցում էին համայնքի բնակիչներ, դպրոցականներ: 

Մրցույթի արդյունքում առաջին երեք տեղերը հաջորդաբար նվաճեցին՝ Վահե Մաթևոսյանը, Մոսի Հովհաննիսյանը և Կարեն Վարդանյանը, ովքեր պարգևատրվեցին գավաթներով:

19.05.17 ՇԱՐՈՒՆԱԿՎՈՒՄ Է ՀԱՄԱԳՈՐԾԱԿՑՈՒԹՅՈՒՆԸ <<ՈՐԴԵԳՐԻՐ ՄԻ ԳՅՈՒՂ>> ԾՐԱԳՐԻ ՀԵՏ
Սույն թվականի մայիսի 18-ին Շատին համայնք էին այցելել <<Որդեգրիր մի գյուղ>>, <<Ծագումը:Բացահայտում>> նախագծերի հեղինակ Լեն Ուիքսը, նրա կինը՝ Արմինե Հակոբյանը և Ուոլլի Սարգսյանը: Հանդիպման ընթացքում քննարկվեցին ծրագրին վերաբերող մի շարք հարցեր և հետագա քայլեր: Ծրագրի շրջանակներում սույն թվականի մայիսի 17-ին կնքվել է պայմանագիր 2 արևային մարտկոց ձեռք բերելու համար, որոցից մեկը կտեղադրվի <<Սողանլու>> կոչվող տարածքում՝ ապահովելով այնտեղ ամռան և աշնան ամիսներին բնակվող մարդկանց էլեկտրոնային սարքերի լիցքավորումը, երկրորդը կտեղադրվի Շատիվանք վանական համալիրի տարածքում՝ այնտեղ այցելող զբոսաշրջիկների և այցելուների էլեկտրոնային սարքերը լիցքավորելու նպատակով:  ... Մանրամասն
10.05.17 ՀԱՂԹԱՆԱԿԻ ԵՎ ԽԱՂԱՂՈՒԹՅԱՆ ՏՈՆԻՆ ՆՎԻՐՎԱԾ ՄԻՋՈՑԱՌՈՒՄ ՇԱՏԻՆ ՀԱՄԱՅՆՔՈՒՄ

Սույն թվականի մայիսի 9-ին Շատին համայնքում տեղի ունեցավ Հաղթանակի և Խաղաղության տոնին նվիված միջոցառում:

Միջոցառումը տեղի ունեցավ Հայրենական Մեծ Պատերազմում զոհվածների հիշատակին կառուցված հուշարձանի մոտ: Միջոցառմանը մասնակցում էին պատերազմի վետերաններ, Շատին համայնքի ղեկավար Տ.Խուդոյանը, համայնքի բնակիչներ, դպրոցականներ:Շնորհավորական խոսքով հանդես եկան համայնքի ղեկավար Տ.Խուդոյանը, Շատինի միջնակարգ դպրոցի տնօրեն Բ.Մարգարյանը:

Միջոցառումը կազմակերպվել էր Շատին համայնքի ավագանու անդամ, համայնքի միջնակարգ դպրոցի ուսուցիչ Նորայր Մարտիրոսյանի կողմից՝ համայնքապետարանի աջակցությամբ:

 

03.03.17 ՇԱՏԻՆ ՀԱՄԱՅՆՔԻ ՂԵԿԱՎԱՐԻ ՀԱՆԴԻՊՈՒՄԸ ՀԱՄԱՅՆՔԻ ԲՆԱԿԻՉՆԵՐԻ ՀԵՏ

Սույն թվականի մարտի 3 տեղի ունեցավ Շատին համայնքի ղեկավարի հանդիպումը համայնքի բնակիչների հետ: Հանդիպմանը ներկա էին շուրջ 160 բնակիչներ: Քննարկվեցին համայնքին վերաբերվող մի շարք խնդիրներ և հարցեր, մասնավորապես համայնքի ղեկավար Տ.Խուդոյանը ներկայացրեց համայնքի բյուջեի ծախսային ուղղությունները, ապագայում նախատեսվող ծրագրերը, ինչպես նաև համայնքում ներկա ժամանակահատվածում իրականացվող ծրագրերը, մասնավորապես ներկայացվեց  <<Որդեգրիր մի գյուղ>> ծրագիրը, ակնկալվող քայլերն ու արդյունքները:

 

02.02.17 ՀԱՅՈՑ ԲԱՆԱԿԻ ՕՐՎԱՆԸ ՆՎԻՐՎԱԾ ՄԻՋՈՑԱՌՈՒՄ ՇԱՏԻՆ ՀԱՄԱՅՆՔՈՒՄ
Շատինի միջնակարգ դպրոցի ուսուցիչ, համայնքի ավագանու անդամ Նորայր Մարտիրոսյանի նախաձեռնությամբ և դպրոցականների մասնակցությամբ կազմակերպվել էր Հայոց Բանակի կազմավորման 25-րդ ամյակին նվիրված միջոցառում: Միջոցառմանը ներկա էին Վայոց ձորի մարզպետի տեղակալ Մելս Հարությունյանը, մարզպետարանի աշխատակիցներ, Շատին համայնքի ղեկավար Տիգրան Խուդոյանը, համայնքապետարանի աշխատակիցներ, ավագանու անդամներ, ուսուցիչներ, աշխակերտներ և բնակիչներ: Միջոցառումը ուղեկցվում էր երգով, պարով, բանակի կազմավորման պատմությամբ: Շնորհավորական խոսքով հանդես եկան Վայոց ձոր մարզի մարզպետի տեղակալ Մ.Հարությունյանը, Շատինի միջնակարգ դպրոցի տնօրեն Բ.Մարգարյանը, համայնքի ղեկավար Տ.Խուդոյանը: Միջոցառումը հովանավորվել է Շատինի ... Մանրամասն
31.01.17 Ամանորյա տոնական միջոցառումները Շատին համայնքում

Շատինի համայնքապետարանը Նոր տարվա կապակցությամբ համայնքի 1-4 դասարանի աշակերտների և նախակրթարանի երեխանների համար պատրաստել էր նվերներ: Ձմեռ պապը և Ձյունանուշը շնորհավորեցին փոքրիկներին՝ բաժանելով նրանց նվերները:

Համայնքապետարանը նաև կազմակերպել էր ամանորյա միջոցառում համայնքի բնակիչների համար՝ կենդանի նվագակցությամբ, Ձմեռ պապի և Ձյունանուշի շնորհավորանքներով, ինչպես նաև ամանորյա հրավառությամբ:

Շնորհավոր Ամանոր և Սուրբ Ծնունդ:

  

31.12.16 Շատին համայնքի ղեկավարի հանդիպումը բարձրագույն ուսումնական հաստատություններում սովորող ուսանողների հետ

2016 թվականի դեկտեմբերի 31-ին Շատին համայնքի ղեկավար Տիգրան Խուդոյանը հանդիպում ունեցավ բարձրագույն ուսումնական հաստատություններում սովորող համայնքի բնակիչների հետ:

Հանդիպման ընթացքում համայնքի ղեկավարը ողջունեց ուսանողներին, լսեց նրանց խնդիրները: Իր խոսքում համայնքի ղեկավարը նշեց, որ  համայնքապետարանը հնարավորիս կաջակցի ուսանողներին ուսման վարձը փոխհատուցելու, իսկ անվճար համակարգում սովորողներին՝ այլ ծախսերը հոգալու հարցում, հավելելով որ ուսուման վարձի փոխհատուցման չափը որոշվելու է ելնելով ուսանողի ցուցաբերած առաջադիմությունից:  

Հանդիպման վերջում համայնքի ղեկավարը շնորհավորեց ուսանողներին Ամանորի և Սուրբ Ծննդյան կապացությամբ:

29.12.16 ՀԱՅՏԱՐԱՐՈՒԹՅՈՒՆ
Հարգելի՛ Շատին համայնքի բնակիչներ, Տեղեկացնում ենք, որ դեկտեմբերի 31-ին ժամը 16:00-ին Շատինի միջնակարգ դպրոցում համայնքի ղեկավար Տիգրան Խուդոյանը հանդիպում է ունենալու բարձրագույն ուսումնական հաստատություններում սովորող համայնքի բնակիչների հետ: Բոլոր բարձրագույն ուսումնական հաստատություններում սովողող ուսանողները հրավիրվում են հանդիպմանը:               Հարգանքով՝      Շատինի համայնքապետարան                                                            ... Մանրամասն
28.12.16 ՀԱՅՏԱՐԱՐՈՒԹՅՈՒՆ

Հարգելի՛ Շատին համայնքի բնակիչներ,

Շատինի համայնքապետարանը կազմակերպել է ամանորյա միջոցառում, որի ժամանակ լինելու է կենդանի երաժշտություն, Ձմեռ պապ և Ձյունանուշ, իսկ վերջում ամանորյա հրավառություն:

Սիրով դեկտեմբերի 31-ին ժամը 21:30 բոլորին հրավիրում ենք Շատինի միջնակարգ դպրոցի բակ՝ միասին դիմավորելու Նոր տարին:

          Լավագույն մաղթանքներով՝

                                    Շատինի համայնքապետարան

03.11.16 ՇԱՏԻՆ ՀԱՄԱՅՆՔՈՒՄ <<ՈՐԴԵԳՐԻՐ ՄԻ ԳՅՈՒՂ ԾՐԱԳՐԻ>> ՇՐՋԱՆԱԿՆԵՐՈՒՄ ՍՈՃՈՒ ԾԱՌԵՐԻ ՏՆԿՈՒՄ

Նոյեմբերի 3-ին <<Որդեգրիր մի գյուղ ծրագրի>> շրջանակներում Շատին համայնքի տարածքում տնկվեցին Լիբանանից ներկրված  84 սոճու ծառեր:

Ծառատունկին մասնակցում էին համայնքի ղեկավար Տ.Խուդոյանը, համայնքապետարանի աշխատակիցներ, դպրոցականներ, համայնքի մի խումբ բնակիչներ:

Ծառեր տնկվեցին Շատինի միջնակարգ դպրոցի,  հիվանդանոցի բակում, Հայրենական Մեծ Պատերազմում զոհվածների հիշատակին կառուցված հուշարձանի մոտ և Արցախյան հերոսամարտում զոհված զինվորների հիշատակին կառուցված հուշարձանների մոտ:

Շնորհակալություն <<Որդեգրիր մի գյուղ>> ծրագրին աջակցության համար:

13.07.16 Շատին համայնքը արժանացել է 2-րդ մրցանակի <<Ինչպես բարելավել համայնքի ապրուստի պայմանները կայուն եղանակով>> թեմայով գաղափարների մրցույթին

Սույն  թվականի հուլիսի 13-ին Վայոց ձոր մարզի Ռինդ համայնքում տեղի ունեցավ <<Էկոլոգիական միջանցքների զարգացում>> ծրագրի շրջանակներում հայտարարված <<Ինչպես բարելավել համայնքի ապրուստի պայմանները կայուն եղանակով>> թեմայով գաղափարների մրցույթը:

Մրցույթի շրջանակներում Շատին համայնքի ներկայացրած գաղափարը արժանացավ 2-րդ մրցանակի:

24.06.16 <<Ֆուլեր տնաշինական կենտրոնի>> և ԱՄՆ-ից ժամանած կամավորական թիմի աջակցությամբ վերանորոգված տան տնօրհնեքի արարողություն

2015-2016 թվականների ընթացքում Հայաստանի <<Ֆուլեր տնաշինական կենտրոնի>> և ԱՄՆ-ից ժամանած կամավորական թիմի աջակցությամբ վերանորոգվեց Շատին համայնքի բնակիչ Եղոյան Էդվարդին պատկանող տունը:

Սույն թվականի հունիսի 24-ին կատարվեց տնօրհնեքի արարողություն, մասնակցությամբ <<Ֆուլեր տնաշինական կենտրոնի>> տնօրեն Աշոտ Եղիազարյանի, ԱՄՆ-ից ժամանած կամավորական խմբի: Տնօրհնեքի արարողությունը կատարեց Տեր Սահակ քահանա Մարտիրոսյանը:

30.05.16 «Հարավային կովկասում էկոմիջանցքների ստեղծման օժանդակություն» ծրագրի շրջանակներում տեղի ունեցած գաղափարների մրցույթի պարգևատրում

Սույն թվականի մայիսի 14-ին «Հարավային կովկասում էկոմիջանցքների ստեղծման օժանդակություն» ծրագրի շրջանակներում Շատին համայնքում հայտարարվեց գաղափարների մրցույթ «Ինչպես բարելավել ընտանիքի ապրուստի պայմանները կայուն եղանակով» թեմայով:

Մայիսի 27-ին տեղի ունեցավ հաղթող ընտանիքների պարգևատրման արարողությունը, որի ընթացքում պարգևատրվեցին 1-ին, 2-րդ, 3-րդ և խրախուսական տեղեր զբաղեցրած ընտանիքները:

12.05.16 ՎԱՅՈՑ ՁՈՐԻ ՄԱՐԶՊԵՏԻ ԱՅՑԸ ՇԱՏԻՆ ՀԱՄԱՅՆՔ

2016 թվականի մայիսի 12-ին Վայոց ձորի մարզպետ Հարություն Սարգսյանը, փոխմարզպետ  Ս. Թարվերդյանը և ՏԻ և ՀԳՄ հարցերով վարչության պետ Ն.Սիմոնյանը այցելեցին Շատին համայնք՝ հադիպելու համայնքի բնակիչներին և քննարկելու համայնքային մի շարք խնդիրներ:

Հանդիպմանը մասնակցում էին համայնքի բնակիչներ, համայնքի ղեկավարը և համայնքապետարանի աշխատակազմը: Հանդիպման ընթացքում ներկայացվեցին և քննարկվեցին մի շարք համայնքային խնդիրներ, ինչպես նաև դրանց լուծման հնարավոր տարբերակները:

1 2 3


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ, Վայոց Ձորի մարզ, գ.Շատին, 1փող. 1

(0281) 99282

shatin.vayotsdzor@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2017 Հեղինակային իրավունքները պաշտպանված են
ՇԱՏԻՆԻ ԳՅՈՒՂԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner